कोरोना व्हायरसचा उद्रेक झाल्यानंतर गेल्या काही दिवसांमध्ये शेअर बाजार कोसळला. कोरोनामुळे अर्थव्यवस्थेला खीळ बसली. कोरोनामुळे गुंतवणूकदारांमध्ये अविश्‍वासाचे वातावरण निर्माण झाले. अर्थव्यवस्था ही फक्त याच गोष्टींबद्दल नसते, तर आपल्याकडे जो किराणा येतो, भाज्या येतात, दूध येते, वाहतूक हे सर्व घटक अर्थव्यवस्थेत येतात. त्यामुळे कोरोनाचा एकूण अर्थव्यवस्थेवर काय परिणाम झाला आणि भविष्यात होऊ शकतो, हे लक्षात घेणे आवश्यक आहे. कोरोनामुळे अर्थव्यवस्थेला फटका बसला आहे आणि पुढील दोन-तीन महिने आपली अर्थव्यवस्था नाजूक राहणार आहे. केवळ भारतच नाही तर जगभरातले १९0 हून अधिक देश कोरोनामुळे प्रभावित झाले आहेत. भारतात हजारो मजूर स्थलांतर करत आहेत. कोरोना व्हायरसच्या साथीमुळे अंदाजे अडीच कोटी रोजगार जातील, असे संयुक्त राष्ट्रांशी संलग्न इंटरनॅशनल लेबर ऑर्गनायजेशनने म्हटले आहे. कोरोना व्हायरसमुळे लॉकडाऊन, कामाचे तास कमी होणे तसेच पगार कपात या गोष्टींमुळे बेरोजगारी वाढू शकते. याचा फटका विकसनशील देशांना बसेल. त्यामुळे बेरोजगारी वाढू नये, यासाठी प्रयत्न होणे गरजेचे आहे. सरकारने रोजगार निर्मिती करायला हवे.
कोणत्याही टिप्पण्‍या नाहीत:
टिप्पणी पोस्ट करा