काही नियम करण्यात आले असून त्याच्या साथीने आता क्रिकेट खेळले जाणार आहे. क्रिकेट खेळवण्याची घाई अर्थात अर्थकारण हेच आहे, हे काही वेगळे सांगण्याची गरज नाही. कारण सोन्याची अंडे देणारी ही कोंबडी जिवंत राहावी, याची चिंता सगळ्यांच आहे. वास्तविक क्रिकेटचे अर्थकारण हे अन्य कोणत्याही खेळापेक्षा खूपच वेगळे आहे. इथे मैदानात उपस्थित असलेल्या प्रेक्षकांच्या तिकिटातून जमणाऱ्या पैशांपैशा अधिक पैसा हा प्रेक्षपणाच्या हक्कातून मिळतो. त्यामुळे संयोजकांना त्याच्यात फार रस असतो. घरबसल्या प्रेक्षकांना या खेळाची मजा लुटता येते आणि संयोजकांना टीव्हीच्या माध्यमातून मिळणाऱ्या वारेमाप जाहिरातींचा फायदा होतो. त्यामुळे क्रिकेट कमालीचे श्रीमंत झाले आहे. ही श्रीमंती टिकवण्याचा हा अट्टाहास चालला आहे. यात काही चुकीचे नाही. कोरोनावर इलाज नाही,तोपर्यंत सगळ्यांनाच त्याच्यासोबत जगावे लागणार आहे. नाहीतर आर्थिक फटका सगळ्यांनाच उदवस्त करू शकतो. इंग्लंड आणि वेस्ट इंडिज यांच्यातील कसोटी मालिकेच्या माध्यमातून त्याला सुरुवात होत आहे. ट्वेन्टी ट्वेन्टी खेळाने कसोटी खेळावर अरिष्ट आणले आहे, पण संयोजकांना खात्री असावी की कसोटी खेळाचा आनंद प्रेक्षक घरात बसून घेतील. पण काही का असेना तीन महिन्यांच्या लॉकडाऊननंतर खेळाला सुरुवात होते, हेच महत्त्वाचे आहे. शेवटी जगण्याची धडपड सगळ्यांना करावीच लागणार आहे.
कोणत्याही टिप्पण्‍या नाहीत:
टिप्पणी पोस्ट करा